Haizea mindu gabe

hitz egin nahi dut,

nire hitzak leunki

barreia daitezen airean

giro goxoa osatuz,

gaiztakerietatik ihesi.

Haizea mindu gabe

idatzi nahi dut,

buruan igerian ditudan

ideiak moldatuz,

tristurak eta pozak islatuz,

papera koloreztatuz.

Haizea mindu gabe

sentitu nahi dut;

haizea mindu gabe

barre, negar, oihu

egin nahi dut.

Askatasunean bizi nahi dut

haizea mindu gabe.

        Goizalde Atxutegi