Bihurguneko nasa
Bihurguneko nasa
2021, narrazioa
136 orrialde
978-84-17051-78-5
Azala: Xabier Gantzarain
Uxue Apaolaza
1981, Hernani
 
Bihurguneko nasa
2021, narrazioa
136 orrialde
978-84-17051-78-5
aurkibidea
 
Bihurguneko nasa
Uxue Apaolaza, 2021

Hamar urte geroago Madrilgo eguzkipean Juan, Josetxo, Fer eta Estebanekin elkartuko da Lur. Elkar barkatzen duen lagunarte bat, elkarbanatutakoaz nork bere kontakizuna gordeko duen arren. Zeru horrexek egiten die aterpe liburu hau osatzen duten bederatzi narrazioei, non azalduko diren trenbide ondoko prozesionariak, manoletinekin ibiltzearen urradurak, lo den haurra hilko balitz zer galdetzen duten hizketa gurutzatuak, bulegoetako estoldak eta ke arrosa.

      Kondizio sozialaren konkrezioez, elkartasunaren, lehiaren eta karitatearen artekoez, arrotzaren aurreko izuaz zein dantza-gogoaz, familia loturez, beldurraz eta epikaz —arrosaz zein klase ertainarenaz— ari dira Uxue Apaolazaren ipuinok. Ironiaz zorroztu ditu egileak, euri xeheak bezala leun baina osorik blaitzen duen eguneroko indarkeria sarri antzemanezina atzemanez.

audioak:
“Irakurrieran”, Bizkaia Irratia, Leire Palacios (2021-11-26)
bideoak:
Artefaktua (2022-02-26)
kritikak:
Hurrengo bihurgunean zer topatuko, Irati Majuelo, Berria, 2021-11-21
«Sakonagoko beldur eta kezkak ere askatzeko bide eman dio idazketa prozesuak Apaolazari, horiek irakurlearentzako enkriptaturik gordetako ikaspenak badira ere».
Manoletina ezerosoak, Jon Martin-Etxebeste, El Diario Vasco, 2021-12-24
«Norbanakoen kontraesanak dira ipuinen ongarri eta zuzenean interpelatuko ditu irakurleak, haren lekuan zein posizio hartuko luketen pentsaraziz».
Besteen ifrentzu latza, Hasier Rekondo, Deia, 2021-12-31
«Narraziootan ez dago ildo jarraitzailerik guzti guztiek nolabaiteko osotasun bat eratzen duten arren, batez ere, Lur protagonistaren ahots orojakilea, solipsismoaren mugetan barrena, soziopatia erakargarri, samur, bortitz eta ironiko baten jabe, nagusitzen baita».
Soinekoa jantzita, Amaia Alvarez Uria, Argia, 2022-03-20
«Harria kolpez kolpe zizelkatuz, forma zehatz eta finduak dituen lana ondu du Uxue Apaolazak».
Euskal literatura "bihurguneko nasan" trabatuta dago, Mikel Asurmendi, blogak.eus, 2023-02-24
«Bihurguneko nasa liburua irakurriz, giza patuaren ezina esperimentatu dut, eta giza-patu horretan —kasurako— euskaldunarena. Euskaldun izatearen ezina».