gero eta ilunagoa gaua

izan kontu, faltsuak dira izar hauek

oroitu: iluntzean ez duzu oinez ibili behar kaletik,

ezta basotik ere,

ez hitz egin ezezagunekin,

tentuz jaso telegramak, ez zaitez poztu

orainak eta biharrak dakartenaz, ez onartu

oparirik, jaurti pilulen flaskoak, artaziak, orratzak,

ileko urkilak, erre

gutunak eta inoiz ez

idatzi eguneroko bat

ez dizute pauso bakar bat ere bakarrik ematen utziko

begiak dauzkazu so

edozein ispilutatik, edozein

aurpegitatik, espaloiko lauza bakoitzetik

entzun egiten dute hormek!