Eskertu beharrekoak

Jule, meloiarekin ausartzeagatik, konfiantza eta pazientziagatik.

Elkarrizketatu guztiak eta baita, ezetza eman arren, babesa adierazi didazuenak ere.

Pablo, emandako laguntzagatik, jakinda liburu honen ikuspegia kritikoa izango zela eta familioi mingarria suertatu ahal zaizuela. M., zure esperientzia konpartitzeagatik, eta horrek apurtu dizkidan eskemengatik.

Edurne, Anna Maria Moreroren doktoretza-tesia bidaltzeagatik. A ze altxorra! Marta, zure artikuluaz gain, erosi nahi ez nituen liburuak uzteagatik. Elurre, Baztango egoeren berri emateagatik. Uxue, euskal kulturako erreferentziak bilatzen laguntzeagatik.

Argiako eta Pikara Magazineko erredakzioak, nire kazetaritza hain ondo jaso, editatu eta zabaltzeagatik.

Ahots, Eva, Ander eta Nel, lehenengo irakurleak izateagatik.

Nire txapak jasan dituzuen lagun guztiak. Zuen klabeek eta galderek ere eraiki dute liburu hau. Nire hautazko familia. Maite zaituztet!

Lucia. Pena handia ematen dit zuk liburu hau irakurtzeko aukera ez izatea, nahiz eta seguruenik asko asaldatuko zinatekeen!