Emaidazu edatera godaleta

gainezka urteko lehenengo ardoaz

ardurarik izan barik geroaz

—astiro sartzen zaigun ganibeta—

Askatua dugu ia espoleta,

gure egunak urrunera ez doaz;

egun hain tristeotako ezkoaz

ezin eragotziko leherketa.

Berau erabateko minbizia,

etengabe hazten den asfisia,

gorputza jan behar digun legena.

Baina ez da beteko, ez, epea

eman barik mendekuzko kolpea

agian lehena edo, agian, azkena.

w1985

Musika: Danba