Bildumaren zerrendara itzuli

LIBURUARI BURUZKO
KRITIKAK

 

HASERRE NAGO

 

Haserre nago

arratsaldeko seiak eta erdietan,

Kale Nagusitik ibilki

krokodilo bat balitz bezala,

edo zakur deslaia,

pasa egin delako

begiak zuri, gora burua

itsu baten modura

bihotza gorturik,

belarriak estalita.

 

Haserre nago

arratsaldearen erdian,

egurasten ibilki

dilista-plater bat bailitzan

laguntasunaren plazerari

uko egin diolako,

ondotik pasatzean.

 

Haserre nago

arratsaldeko une honetan,

bakearen bila etxetik irtenda

xoxo betokerra bailitzan

ondotik igaro delako

gau euritsuetan

hainbeste beldurtzen gaituzten

tximisten modura.

 

Haserre nago

eta ez dut maite.

 

 

© Andolin Eguzkitza

 


www.susa-literatura.eus