Agosti Chaho 1844an Trilby aldizkarian honela mintzo zen euskal kantuez: “Xalotasun naif berberaz dira kantatuak drama politikoak eta bizi intimokoak, maila arrunteko gertatuak, pilota partida, amodiozko altekeria, galdu edo garaituriko bataila”.

      Chahok 1845ean argitaratzeko prest zeukan Kantutegia ez da egundaino inprimatua izan. Patri Urkizuren edizio honetan 101 kantu dituzu, Chahok Chants populaires de la Navarre et des Provinces Basques bilduman agertzekoak zituen 70ak, eta baita ere Ariel aldizkarian eta bere liburuetan aipatu eta jasotakoak.