Patrick Suskind «Kontrabajua» izeneko literatur obra teatrorako bereziki idatzia ez izanda ere, dramaturgiaz zeozer ulertzen duen edonor jabetuko da testu horrek daukan teatralitateaz. Eskuarteko liburu honi dagokionez, irakurleak zera jakin behar du: hemen irakurriko duena ez dela Patrick Suskind-en jatorrizko lana, baizik eta «Maskarada»k egindako teatrorako egokipena, zuzendariak eta aktoreak berak elkarlanean moldatua.

      «Kontrabajua» Europako herri ezberdinetan taularatu da, zenbait teatro konpainiaren eskutik. Brecht-ek sortutako «Berliner Ensemble» taldeak, esaterako, 1984. urtera arte izan zuen obra hau bere errepertorioan. Patrick Suskind, gure artean «Lurrina» izeneko nobelarekin arrakasta lortu baino lehenago exe, idazle ezaguna eta ospetsua zen «Kontrabajua» bezalako beste zenbait lani esker.