X
douce France
cher pays de mon enfance
bercé de tendres insouciances!
magrebinoak azala beltzeegi dutelako
safarietako lehoi salbaiak iduri
tirokatzen dituzte.
europear errefuxiatu politikoak
demokrazia sainduaren izenean
estraditzen dituzte.
mertzenarioek baionako ostatuetan
askatasunaren umezurtzak
erahiltzen dituzte.
eskun muturreko buruzagi okerrek
odolaren eta fedearen garbitasunaz
mintzaldi kartsuak datxizkate.
noiz arte?
egun batez 1789eko iraultzaren
semeak konturako dira
kontzientzi onez
marmutzeri kakiak kolokatu dituztela...
made in France!
© Itxaro Borda