Bildumaren zerrendara itzuli Idazle beraren beste lanak

LIBURUARI BURUZKO
KRITIKAK
EROSI LIBURUA
E-BOOK FORMATUAN

 


 

AMETSETAKO URA

 

Ura telefonoan zure ahotsa.

Edalontzi bat dago mesillan.

Hari begira hartzen nau loak.

Ohea urak hartzen du.

Kamisoia blai, banoa

itsasargi baten pareraino,

non zu zauden, niri email bat idazten.

Subject: «Ura, mesedez».

(nire ahotsa ba ote da zuretzat ura?)

Eskua luzatu dut.

Edalontzia jausi da.

Kristalak, zoruan, zure izenaren errepika.

Bustita esnatu naiz.

 

 

 

© Miren Agur Meabe

 


www.susa-literatura.eus