hitzik gabeko paper horiei begira

Aran ale asko jan ohi dut jauna kronista ezaguna

Izan nintzela gogoratu izan dudan bakoitzean

Badakizu nigan egon zirela Granadako ate eternoak

Nigan biribil Juan Sebastianen bidaiak

Are gehiago Dilubioaren papiro unibertsalak ere

Milaka maskara banatzen harri zurienean

Nigan enperadoreen bizitzak 9 hilabetez puztuak

Eta bart zure jardinean galdutako zaldieri beltzak

Zure larrosa horiak, katilutxoak txikitzen

Capo sentiberen arteko inbiriak nigan jauna

Hemezortzi bakardadez urkatutako oro

Eta sinbolisten antologia perfektuak

Nigan egon ziren jauna judu etsituen izarrak

Hollywoodeko goaporik asezinena

Loreleiren irrifarre faltsua ere

Ze kronista on izan nintekeen, baietz jauna

Errege eguneko arratsalde hartan

Perfezioz salto egin izan banu Bihotzen Zubitik

© Iñigo Aranbarri