Sorginak izanen balira

oraintxe hartuko nuke eskobatxo bat

metraileta gisa eta Ajuria Enea guztietara

hegaz joanen nintzateke...

Plis, plas kaskahezurrean ederto jo ere.

...Eta, batzu besterik ez direnei esanen nieke ene erratz

gainetik, bertze planetetara joateko gezur gosez daudenak

mazkatzera. Hemen dagoeneko asetuta lehertzeko zorian gaudela

eta...

Hitzaren teknika bost urtez errax ikasten da, eta hain

zail gertatzen gero, esatea, dena gezurraren zapietatik

datorren lamada bat besterik ez dela.

Hori, egun sinisteraztea...

Gezurra; hitz politez jantzita dagoen

drogarik arriskutsuena bait da.

© Gema Lasarte