Aspaldian natzaizue

eskean,

loretik belasoetara,

uretik itsasoetara,

hitz bilaka;

aurkitu nahian hitz errax bat.

Laket izanen zaizuen

hitz polit bat.

Edozertarako prest egonen den

esanahi xamur eta labur bat.

Bai abesteko geure mina eta

bai kantatuz estaltzeko udaberri sakona.

Ukatu didate ene eskea

eta hain txiroa da

ematen dizuedana...

Egia, egia, noski:

ateak jo ditudanean

begiratu gabe amurrazioz

hertsi didate ene bihotza.

© Gema Lasarte