Oro ur zeneko margoaz itxasoa;
Oro ur zeneko marga urdinaz
ur itxasokoa.
Eta itxaso gabeko lehorreko lurra.
Lurrezkoak geu ere.
Geu ere hezur, urdail.
Eta lurrean diren zurezko zuhaitzetako
urrak
Eta urdeak bazkaturiko urbelarra
urdaia
Ur zein urrun
sua deneko lurruna
ur beroa
Ur errea ere
urrea
arrats urratuaren kolorea.
Urkiak ere urdinak
urdina gailurreko elurra
eta oro ur zeneko margo urdinaz
urtzia.
© Omar Nabarro