Eta mendia ez balitz

                hiriko kaleekin nahas ezina,

  eta zuk ez bazenizkidan eman

                eman ez dizkidazun muxuak,

  eta nik gauero nere almohada

                lerdeaz bustiko ez banu,

  eta laban hau

                ideak ebakitzeko balitz

          eta bost pezetako goxokiak

                  salduko ez balituzkete,

  eta nere droga Pil 43 balitz

                    eta negua beti berdea

                    eta zure begia harri bat

                    eta zure eskuak gruak

                              eta nik zu

                              eta zuk ni

                              eta mundua itsasoa

                              eta itsasoa mundua

                                      eta

                                              ez

                                                    da.

© Eneko Olasagasti, Maripi Solbes, Gorka Setien