bi begi ferekatzen hondoraino

            nere bizi beharra

                Brel biraka «je vous ai apport des bombons»

    galdu gabe bihotz aztarnak

              karamelo gozoak

              ahoan disolbatzen

              beti telefonoaren zain

      galdu gabe oroimenetan ditudan zure

bizkar formak

      eta usaintzen

            haizeak ekartzen dizkidan

                        perfume bolarak,

      ezingo dut egun luzeetan

      zure imajina horrela maite,

    beti prest puskatzeko ispilu bat

izango dut begi bistan,

                eta laztanduz

                      nahiko nuke

                            zure ispilua

                berrogeitamabi zatitan

          apurtu

              bakoitza emeki

          zure begi ferekuak

                          isladatzeko.

© Eneko Olasagasti, Maripi Solbes, Gorka Setien