(bizi nahiaren odolez)

non utziko dut idatzita zure izena?

                  zurriolako arkaitzetan

                            ala

        arratseko azken eguzkiaren

                argi izpietan.

                    non?

  ilargiak

eromena sortarazten duen ontzian,

  noizpait sumatu ditudan

    marrubi gorrietan,

      denboraren malkoetan.

                non?

zer egingo dut sentinenduaren ritmoarekin?

      gela ilun batean geldiarazi,

          bero ekiteari galerazi,

      marmolezko harri artean hoztu.

                  zer?

          ito eta kitto?

sufrimendu hori nik ote dut asmatu?

    Non markatuko dut

    ia itzalitako esperantza?

    mozkorraren kale zaharretan, izkin galduetan,

    goxo gozatutako

                            zure ezpain amestuetan,

      frustrazioaren begirada laburrean.

                  non?

  non idatziko dut zure izena Mirari?

© Eneko Olasagasti, Maripi Solbes, Gorka Setien