zure irudia

              aurpegia

  orain mineria,

    batu nahi izan genuenaren zauria;

          eta bizia

      ulergaitz egia.

balantzaka

          azken ahaleginen

                    hitz kaxkarrak,

      begiratzen zaitudanean

      inora iristen ez diren

            hots larriak.

eta ez dakit laban bat ala

                lore gorriak

      eskaintzen dizkidazun,

      baina ene denbora,

          minutu geldiezinak

                odoltzen doaz

zapalkuntza dardarti horren eraginaz.

© Eneko Olasagasti, Maripi Solbes, Gorka Setien