APOKALIPSIA

Euria ari du

itsaso berri bat gatzagatan sortzen

Egunero bi aldiz egiten du bidaia bera eguzkiak

ahitzeraino

Noe tabernetan lapurrak eta galtzaileak biltzen ari da

Airerik apenas geratzen zaigu biriketan

Erraietan lehorra eta uholdeen iragarpena

Mugiarazi ezin ditugun ontziak hondarretan

Nahiago dugu zango bat erauzi

segundo bat gutxiago biziko garela pentsatu baino

Erloju zaharrak konpontzen daramatzagu urteak

hitz gozoak eta

zure besoetara itzul gaitezkeen seinale bat

itxaroten

mundu zaharra estaltzera datorren

itsaso berriaren sorrera

itxaroten

© Jon Benito