PORTURA EZ DATOZEN ONTZIAK

Ontziak berandu datozela aipatu digute

eta bigarren aldia da atzeratu dutela

arribatze data

Inork ez du arrazoirik aipatu

baina inor ez da larritu mareak iragan izanagatik

Ontziak berandu datozela aipatu digute

eta hirugarren aldia da atzeratu dutela

arribatze data

Inork ez du arrazoirik aipatu

baina matxura batez hitz egiten dute

uraren dilatazioaz eta

ondoriozko ozeanoen hedapenaz

gasolioa neurrigabe hazi dela eta

haize txarrak datozela

Ontziak berandu datozela aipatu digute

eta zazpigarren aldiz atzeratu dute

arribatze data

Ez dute etxera itzuli nahi

© Jon Benito