AKATS KRONOLOGIKOA

Isidro Benito izan nintekeen

Malatesta batailoian jardun zuena

edo Antonio Aranberri burdinazko gerrikoan lanean

baina zoritxarrez bi belaunaldi beranduago jaiotzea

suertatu zitzaidan

Aitak

Partidu Komunistako tabernatxora eramaten ninduen

oraindik betaurrekoak nituela

Ez dut uste amaren errua denik

baina bi belaunaldi lehenago jaiotzea

gustatuko litzaidake

edo bi hamarkada gutxienez

Horregatik ere lotzen natzaie egungo borrokei

aurrekoekiko zorra kitatzeko

© Jon Benito