AZKEN GLAZIAZIOKO SOBERAKINAK

Azken glaziazioko soberakinekin jolasten ari zara

Bide ertzetako hondarra jaso

eta datorren negurako zapatak egin dizkizut

haizeak olatuak sortu arte iraungo dutenak

Argazkiei izotza hazten zaie ertzetan

Hotza jainkoek egina balitz bezala

sartzen zaigu hezurretaraino

Egunak etorri bezala doaz

azala erortzen zaigun arren udazken amaieran

Orain eguzkiaren alboan ezagutu duzu zerua

elurrezko bolak eta gezurrak jaurtitzen dituzu

musuak bailiran

Zauri txikiak nire argizarizko begientzat

© Jon Benito