FORMULA FISIKOA:

DISTANTZIA ETA DENBORA

Orduak zenbatzen pasa ditinat orduak

Hazia ixuri eta euria egitea konbinazio perfektua dun

ziur sentiarazten gaituztenen zaunkak entzuteko

Baditun egun batzuk hemen ez hagoela

Basapiztien jungla dun hau

biziraute ahalegina

Egun zuhurtziaz zabiltzan eskaleak kaleetan

pikondo hostoak milikatzen ditizten beleek

eta aldea galduetako altxorrik preziatuena dun hire sexua

Herrialde bahitutako turismoa gurea

ohituren tatuatze krudela

arrotz zaizkigun geografiak arrotzentzat

orduz kanpoko bisitak eta ibai handien gainezkatzea

ziur sentiarazten gaituztenen zaunkak entzuteko

Bihar desolazio berberak ausentziak hausteko

bihar distantzia berean ehun milia haratago

Orduak zenbatzen pasa ditinat orduak

eta orduak eta orduak

© Jon Benito