Oinazeari eusteko ezagutza nonbaiten aditurik

eta baita itzultzeko unea ezagutzeke ere

pilatu zitzaizkizuen abian jarri gabeko plangintzak.

Gu ez gaituzte harrapatuko errepikatzen zenuten

alde egiteko erabakiak berandu hartzen direla jabetu gabe.

Bitartean auzokoak ez dabiltza marmarrean ohi bezala;

auzokoek badakite nola balkoian paratu

aspaldian ahaztutako frogen errebindikazioak;

ez dakite, ordea, gure sufrimendua hautazkoa den ala ez.

© Castillo Suarez