Ez dira nigana iritsi

epeltasuna barreiatzen duten gorputzak.

Gelako espazio osoa beteagatik

bat-bateko erabakiaren ikara dute eta

antiseptiko usaina barreiatzen dute nahi gabe.

Ez dakite nirekin zer egin

inoiz ez dakitelako zer.

Gorputzaren berri estatistikoak

bakarrik ezagutzen dituzte.

Ziurtagirien bila dabiltza apika

egunerokotasunari

aurre egin ahal izateko.

© Castillo Suarez