Ordubete barru garraxizko suteek

itxura normaleko pertsonen bizitzak

kiskaliko dituzte.

Bila itzazue zergatiak orduan.

Errautsen artean

epaiketetan erabil daitezkeen hitz delikatuak

azalduko dira.

Norbaitek originaltasunez jokatuko du

barkamenaren kontzeptua aldarrikatuz,

bere etimologia ikertuz.

Ordubete barru edo, batek daki,

dagoeneko hasi da

modako tabernaren batean.

© Castillo Suarez