Larunbat arratsaldeetan bideoa alokatzea

nahikoa litzateke iragana birziklatzeko,

lagunei xehetasun nazkagarriak partitu ordez.

Publizitatera dedika gintezke bestela:

kanpainak irudikatu

kapitulu amaierako hutsune mingarriak betetzeko.

Alabaina, ez ginateke ausartuko lana uztera;

seietan zer egin behar dugun ez jakitera,

urdin pentsatzera,

etorkizunak abandonatuko gaituelakoan.

© Castillo Suarez