Nire aseezinaren euli mizkina

nire zorigaitzaren sega pinpirina

nire amorruaren torratxori-ezpata

nire bekaizkeriaren sasisorkinak

nire porroten urlia, sandia eta berendia

nire indarraren beso lurperatua

nire kaxkarkerien linbo-lurrina

nire haragikerien adur sobrakoa

nire erorialdien kale barretiak

nire tristuraren katezismo galdua

nire errakuntzen purgatorio ukatua

nire damuen sutauts amaigea,

nire sekretuen ortografia faltsua...

© Miren Agur Meabe