OHAR LABURRAK - 4

Badatoz berunezko arratsa eta bisutsa

lurzoru lauburuz betea harrotzera.

Aita alargunak harrilobiari fereka.

Lo mantsoan dago semea,

eskuak bata bestearen gainean,

bapo-bapo ase metalez, euri-zaparrada hil-mihise.

Eta tantek —herio-biolinaren nota larriek—

beste batzuen argazkiak jango dituzte gupidagabe,

kolorea xurgatuko diete, ia benetan odolustu arte.

© Miren Agur Meabe