AKIDURAZKO OHARRAK - 1

Azalaren sarean haritxo alai bat prestu.

Harizuntz gordina,

kirioz kordaturiko idunekoa bezain mehea.

Harizuntz apaina,

itsuen barrea bezain garestia.

Eten egin da.

Orain ezin ezerk josi

albainu hark memoriaren azalean

bordaturiko tarratadak.

Egon ez orratzik

ezarian zirtzilaturiko bilbe hori hartzekorik.

Harizuntz gordina,

harizuntz apaina,

bitan zatituriko

biru ederra.

© Miren Agur Meabe