ANTSIEN OHARRAK - 5

Heriotza jostatiak dado-jokoan dihardu

aingeruekin bidegurutzeetan.

Katu sarnaztoak ditu lagun, sos-zenbatzaile.

Sosak... gure arimaren alde ikuskorra:

gorputz suntsikorra.

Heriotza biziotsua gure ohean etzaten da

amodiozko hitzen tximeleta-marruma bila.

Hotz-hotzean hilko dute gure arma bakanek.

Armak... oraina betierean berrituz:

gorputzak, gorputz.

© Miren Agur Meabe