VERDUN

Gu apurtuta eta odoleztatuta gaude.

Etsaia ere horrela ei dago.

Ez dakigu ezer desgasteko ofentsibez

eta eraso metodikoez.

Dakigun gauza bakarra da

gutxienez lubakira ez dela metrailazko euririk sartzen.

Maite gaituztenei idazten ematen dugu denbora.

Guk honezkero ez dugu inor maite.

Ez da inoiz gutako inor hil gutun bat

bidali behar zuen gauean.

Azkenengo orrialdean

lora bi edo zisne biren marrazkia

joan ohi da.

Ez dugu lar hitz egiten amaieraz

eta ze amaiera mota izango den.

Baina guk ez genuke zertan hemen egon.

Gerrak ekidin daitezkeela egia da.

Arma-fabriketan ere ahapeka komentatzen dute

egia dela.

© Igor Estankona