ZER DA EDERTASUNA

txikitako oroipena

Ohe abandonatu berrian

zure zerbait dago oraindik.

Pertsiana igo duzu eta kristal birfinduzko txute batean

sartu zaizu espazioa gelara.

Gauerdian deitu dizutenez, eta gero eskegi,

gaua zati bitan banatuta

gogoratzen duzu.

Beste behin zeharkatzen ahalegindu zara

minaz jositako zelaia.

Beste behin.

Once again.

Begira kanpora...

utzidazu asmatzen

neguaren amaierako

bakardadea

eta zu haurtzaroko erreka bazterrean edo hondartzan

baina ia beti hondartzan

itsasoak bere esku umelekin lehorrean utzitako

harriei begira.

Bederatzi urterekin izan zen hori.

Harrietako bat hartu

ez dakizu borobilena

        edo leunena

        edo beltzena iruditu zaizulako

eta olatuen kontra jaurti duzu.

© Igor Estankona