ORAIN BEZALA

Arnasaz inguratuta egon arren sentitzen duzun bakardadea

hori da zigor zeldarik estuena

hori da paparra kobrez betetzen dizuna

hori da zure borondatearen kontra zoriona

itxi begiak

hobeto pentsatzen da begiak itxita

—sakonago zara zu—

etorriko dira lainoak eta euria

jo egingo zaituzte agian

jo egingo zaituzte

egizu lo haizeak leihoa zabaldu nahi du

oraindik gogora dezaket

zelan laztantzen nizun burua

zelan zen loa gordeleku seguruena

beldur zinenean

orain bezala.

© Igor Estankona