ZERTARAKO

                                Luna que se quiebra

                                sobre la tiniebla

                                de mi soledad

                                ¿en dónde estás?

                                      Chavela Vargas

Gordeleku antiaereotik irten nintzen

zure bila.

Zorotzat hartu ninduten baina ezin nuen

zure bulba

hatz erakuslearen puntan usteltzen utzi.

Aurkitu behar zintudan.

Ausente baino nahiago zintudan erreta.

Zulatuta edo nire ondoan.

Damutu zait hala ere honaino etortzea.

Zaindariek barre egiten didate

arrazoi osoz gainera.

Zertarako bidaia guztia

zertarako

ez bazeunden gas ganbaretako gorpuen artean?

© Igor Estankona