EZTIA, GAUA

Airearen zeruaren laburpenarekin

ogia egin daiteke.

Ardoa, tulipana

zaldi berdearen azpian

erreka zeharka daiteke.

Maiatzaren ezizena ostirala galtzea da.

Botiletako mezuek beraien burua

besarkatzen dute izotzez.

Ateak bakarrik ireki dira azukrera

eta trenen larbekin, lurraren itzalekin

planetak ezkutatu egiten dira

bularretan.

Umeek hamalau irudi dituzte

alanbrea bukatu zaie

musika eta ijitoak ezkontzeko.

Galdetu orain mutu zure izena, erleak.

© Igor Estankona