ILUNTZERO

Aulki horixka bat oparitu zidaten

kanelaz egindakoa.

Nekatuegi nagoenean

terrazan esertzen naiz.

Haragiak atsedena eskertzen dit

arimak zubiak eraikitzen dituen bitartean

errealitatearen gainetik.

Hura da nire portua.

Bertan asmatzen dut

ikusi ezin dudana.

Begiak itxiz gero

adibidez

hiru eguzki entzun ditzaket

bata bestearen atzetik

itsasora sartu eta hozten.

© Igor Estankona