Elurra eroriko da gauez

Elurra eroriko da gauez

eta otso itsuak helduko dira.

Elurra eroriko da gauez,

laster ez da oreinik ezagutuko.

Artzaina bere etxolarantza doa,

korrika doa, ekaitza orduko iristeko,

eroa lez doa korrika.

Elurra eroriko da gauez

haztarnen isiltasuna babestera.

Eseri gaitezen sutondoan eta esaidazu

zelan altzatuko den hezur zurien artetik

                                             udaberria.

© Joseba Sarrionandia