Juan Ramon Madariaga - Galera errepikatuak

NEGUKO PANIKOA

Udaroan zuhaitzak bezala

galkatu da bihotza

itxesez, aiariz, deitorez,

eta beldur naiz

ez ote zaizkidan pisuaren poderioz

arimaren adarrak kraskatuko,

ez ote zaidan boztarioaren ifertzina

uherrez beteko

eta alta, nihaur, herbal, mendre eta uzkur bilakatuko.

Beldur naiz

ez ote dakidakeen bihotzaren fruitua

ustel eta abail betikotz.