Juan Ramon Madariaga - Galera errepikatuak

SINTOMAK

Ezaldia,

isiltasunaren hurkotasuna,

noragabeko maina,

aldiune horren desafioa,

ene bihotzaren jitea,

oroipenaren odola gosaltzeko,

lehenengo pausoaren mina,

eguzkiaren alaitasun komertziala,

ezpainen ihartasun desertikoa

eta batipat

nere taupaden bakartasuna eta

hedoien kaligrafia da

nere begietan,

geroan,

lanturu urdin bilakatzen dena,

goiz orotan.