Zergatik ote hago hor zelatan

azpiko hori astindu nahi ala?

garitzan ez zegok ikustekorik asko

neskatxoen iztarrak ez badira

baina hi beti hago hor

astakirtena!

jexuxuen alaba gaztea izango duk

ilea luze eta ibiltzerakoan

kale osoa berotzen duen urdanga hori

nere alaba balitz

aspaldi nizkion kenduak ohitura horiek

arriskutsua bait duk gizona berotzea

susto ederra hartuko dik egunen batean

babu alena!

hirekin ez zegok inora joaterik

jarraitu ezak hor nahi baduk

idiarena egiten

ea behingoz nazkatzen haizen

© Andoni Tolosa