HARZACK, HARZACH

HARZAC, HARZAK

Hire neurriko mundurik ezean

imaginatu dituk

ejerzito amaigabeen guda zentzugabeak

emakume baten diti loratuberrietara

iristen den txori erraldoiaren agonia

ezagutu dituk

irudimenaren ateek izkutatzen dizkiguten

odol guztiak

gose guztiak

nazka eta gorrotoaen trenbide guztiak

ezagupenaren kamusadak

damuaren preziorik galdetu gabe ere

harritu gabe galdu duk oroimena

eta ez haiz bihurtu haizena baino

paperezko mugetan mugalari

usain okreen biltzaile

© Andoni Tolosa