PABLITO

Desioek gosea ahultzen dutenean

hesien gainetik hegan

berriro aurkitzen dizkiat

oihanen oihartzunak

beldurraren armiarmek loa zirikatzen diate

harietatik zintzilik bezala

eta abestu egiten diagu zoritxarrean ezik

besteetan ere

goizero bezala gauero bezala

irakatsitakoak bota

baloia hormetan saltoka

«jesusito de mi vida»

binetetan idazten diagu bizitza

binetetan ezkutatuz zoria

lapur ez diezaguten

eskutik hartuta binetetatik zetorkiguk

magia

elkarri lotuta

misterioa eta zirrara

ahaztura

«jesusito de mi vida»

fermin anaia neure tebeoak

erretzen ari duk atarian

nik negar egin diat

hik ere bai

© Andoni Tolosa