Lukas Oihenartek Euskal Herriaz

Gure posibilitateez gaindi bizi omen gara;

pastoraleko iragana eraiki dugu,

gure oraina kanpamendu abandonatua da

eta gure etorkizunean, alafede!,

tronpetek zarata eginen dute

egun brilantegi batean.

Ez omen da nahi genuena

ezen guk artzain herria

izan nahi omen baikenuen,

baina Historia etorri zen

eta batailak, eta garaiak

hauek bezain beltzak, seguru.

Horrela, bada, hemen gaude

epikara kondenatuok

lirikaren lainoak jasotzean ere

bataila galduen arrastoak

baizik ez baitira ikusten,

eta gorpuak, gorpu asko.

Ero dugu litzatekeen lege epikoa

ero gaituzte bihurtu zaigu

eta horrela bizitza

beti zaigu posibilitateez gaindi.

w1996