Abandona zaitez, maite, abandonu goxo honetan

Iltza itzazu zure esku orlegiak gau egiazkoan

Gonbida itzazu piztiak eta negar itsu hori festara

zeinean baita buhame oinazea edo elurrik gabeko ezpaina

Gorde ezazu zure baitarako kalea eta kolera eta gutuna

Begira egiozu ahobeteko bizitzari, labana elkarkideari

Jar zaitez eguzkitara erdi-zut den ikurrina bazina bezala

Sar zaitez jada denboraz lepo diren nire begietan

Errepasa itzazu hezurrak, iturburu gorriak, jainko abaildu

eta garden baten ezkutuko isiltasunaz

Edo hil zaitez, maite, eta begira egiezu gero

arrangurarik gabe euriaren eskuei.

w1995