Alferrik litzateke orain zerbait esatea

iritsi baitziren gugana beste iratxo batzuk

beste itzal eta leinuru eta aje fidelak

—nostalgia lizuneko antxeta urdinak—

eta zaratak hausten ditu dagoenik ardo triste

eta argi doizko gauetan idatzitako

murru leiendaz beteak

Hutsala litzateke erbeste, errezo, mehatxuak esatea

oro denean orain gandu zauritu eta ilargi zahar:

zure ahoan isiltasuna da purutasun bakarra.

w1995