Tango tristeza

Biluztu gorputza eta egin dezagun dantza

tango

orri txuri baten terraza udatiarrean

jendeak alkohol eta enkaje erreen artean

gaua derrotaz zorabiatu bitarte

Ilargi betearen baitan non desioak ez dion

haragizko gehiegikeriari apenas zirrikurik utziko

gure ezpainen horzkadak brindis bat sorraraziko

dio akordeoiaren doinu triste eta eroriari

Eta orduan Gardelen petxutik

tango

hitzek bilatu egingo gaituzte eta aurkitu

kilometro urrunen atarian eta eternitatearen

estribiloan ez da tristeza de

corazón gehiagorik izango

Como hay dios, gainera

w1991