Badakit

Badakit

apenas euririk egiten duen gauetan

zokoan uzten duzula Rilke

imintzio anbiguoz

eta nahiago izaten duzula

antxeten hegadari so egon

izango bazina bezala nekearen elegia

edo urgentziazko konfidentzia baldar

Baina orrialde seinalatu horrek

—musu estanpatu eta lili sikatuak—

beti dakarkizu gogora desio

itzali baten zigor biluzia

eta gorputzak basa larrutu

genitueneko izkina haren

iluntasun eta pixusaina

w1991