Bidaiariak huntzaren ezpain narrastariak musukatu nahi lituzke

urratsak zeruko bobedetara dihoazkion bitartean.

Estratako hautsak eremuetako erlojuak jartzen ditu martxan,

baina udazkenaren denbora arrosa euriztatuek soilik neur dezakete.

Guk bere etorrera itxaroten dugu euria beste, eta ateetan

eguzkilore eta erramu adaskak ipini dizkiogu salutazio modura.

Ipurtargien karminak eta gauhontzen txanpon alaranjatuek

erakutsiko diote bideska oker tolestatua.

Ez du galbiderik izanen bidegurutze biluzira iritsitakoan:

batek historiaren ilunsentira darama; besteak, ausentziaren beldurrera.