Beste mundua

Giltzari beste buelta bat ematen badiote hobe,

                                          ez dadin inor sartu.

Mirila zelan halan lausotuko dut

                                    inork ez begiratzeko.

Itzalpean ezkutatu nahi nuke, itzalaren

                                       itzal izan, deus lez.

Baliteke beste mundu batzu izatea,

                                        hau ez da.

Entseiatuko naiz deusetik beste bat

                                             asmatzen.

Ene bila helduko dira funtzionarioak

                                 beren giltza-porra

eta morroi begiekin, zeldan

                               ez naute aurkituko,

paperotako mintzairak itsas atx behelainoen

                                         izua zabal dezala...

Beste mundu bat sortuko dut

          aideango hiria bezain hatzeman ezina.

w1992